Жарқын жаңалықтар

Қазақстан Республикасы Үкіметінің  Тәуелсіздіктің 25 жылдығын заңды түрде мерекелеу қаулысына сәйкес 2016 жылдың  желтоқсан айында  әл-Фараби атындағы Қазақ ұлттық университеті филология және әлем тілдері факультетінің шетел филологиясы және аударма ісі кафедрасының оқытушылары Д.А. Қарағойшиева, М.А. Жанабекова, Г.С. Сулейменова және М.С. Оңғарбаевалардың  ұйымдастыруымен «Айналаңды нұрландыр» жобасы аясында «Ұлы Дала елінің тәуелсіздігіне – 25 жыл» тақырыбында дөңгелек үстел өткізді.

Іс-шараның мақсаты өскелең ұрпаққа білім және тәрбие беру барысында халқымыздың жылдар бойы армандаған тәуелсіздігін сақтауға, оны жұмыла нығайтуға, осы жылдар аралығында  қолы жеткен жетістіктерін бағалауға, бұқаралық ақпараттық құралдар  арқылы еліміз танылған жақын және алыс шет елдерде де  кеңінен жария етуге ат салысу. Сонымен қатар ҚазҰУ оқытушылары ұжымындағы ұйымшылдық қарым-қатынастың  маңыздылығын арттыру және жан-жақты кәсіби білім деңгейін көтеру, кафедраның  білім және тәрбие ісін жандандыру болып табылады. Толығырақ »

ҚазҰУ-дың шетел филологиясы және аударма ісі кафедрасы және «Tarzhiman club» жас аудармашылар ұйымы «100 кітап» жобасы аясында «Поэтикалық тәржіма» атты   әдеби аударма  кешін өткізді. «Аударма ісі» бөлімі 1-4 курс студенттері поэзиялық мәтін және оның тәржімасын мәнерлеп оқып қана қоймай, талдап, бағалап айтып берді.  Қазақтың ұлы ақыны Абай Құнанбаев өлеңдерінің орыс тіліндегі аудармаларын түпнұсқамен салыстыра талдады, сондай-ақ А.Пушкиннің, Байронның  өлеңдерін оқып, тәржімасы жөнінде өз әсерлерімен бөлісті. Әлемдік әдебиеттің көрнекті өкілдерінің туындыларын аудару арқылы ұлы ақындардың шығармашылық үндестігін тануға болады деген қорытындыға келді.

Кешке кафедра меңгерушісі Д.А.Қарағойшиева, доцент М.Жаңабекова, Э.Бектурова, И.Азимбаевалар қатысты. Мазмұнды да әсерлі өткен кеш болашақ аудармашылар үшін пайдалы болды.

Мұсалы Л., шетел филологиясы және аударма ісі кафедрасының доценті

Жуырда Әл-Фараби атындағы ҚазҰУ дың филология және әдебиеттану факультеті шетел филологиясы және аударма ісі кафедрасында «Қазақ университеті» баспасынан жарық көрген жаңа кітаптардың тұсакесер рәсімі өтті.

Атап айтқанда, шетел филологиясы және аударма ісі кафедрасында орындалып жатқан «Қазақстандық аударматанудың әлемдік мәдениетаралық кеңістіктегі заманауи мәселелері: интеллектуалдық әлеуеті және даму болашағы» тақырыбындағы ғылыми жоба аясында жарық көрген «Аударматану бойынша библиографиялық көрсеткіш» атты қосымша оқу құралы, «Аударматанудың заманауи мәселелері» атты ғылыми монография, «Аударматану терминдерінің сөздігі» атты оқу құралдарының, сондай-ақ, кафедра меңгерушісі, PhD докторы  Д.А.Қарағойшиеваның «Шетел филологиясына кіріспе» және филология ғылымдарының докторы, доцент Л.Мұсалының «Символ-бернелеу және оның көркемдік қызметі», «Аударма практикасы» атты кітаптары таныстырылды. Бұл кітаптардың болашақ аударматанушылар мен филологтар үшін пайдалы болатындығы даусыз.

Баспаның жетекші ғылыми қызметкері Сәуле Жылқыайдарова бұл басылымдар сұранысқа ие болған кітаптар екенін айтып, баспа қызметтері жөнінде мәлімет берді.

И.Азимбаева, ҚазҰУ-дың шетел филологиясы және аударма ісі кафедрасының аға оқытушысы

Әл-Фараби атындағы Қазақ ұлттық университетінің «Қазақ университеті» баспасынан «Абайтану. Таңдамалы еңбектер» деген атпен он томдық басылым жарық көрді. Он томдық университет жанындағы Абай ғылыми-зерттеу институтында «Абай Құнанбаевтың шығармашылық мұрасын пәнаралық зерттеу» бағдарламасы аясында дайындалған, баспаға университеттің филология факультеті Ғылыми кеңесі және Редакциялық-баспа кеңесі шешімімен ұсынылған. Басылымның ғылыми-редакциялық кеңесі мына құрамда жұмыс жасаған: Ж. Дәдебаев (төраға), Ө. Әбдиманұлы, З. Бисенғали, Т. Есембеков, Б. Жақып, А. Жақсылықов, Қ. Мәдібаева, Ж. Молдабеков, З. Сейітжанов, Ә. Тарақ, А. Темірболат, Ж. Тілепов, Р. Тұрысбек. П. Бисенбаев (хатшылар тобының жетекшісі), И. Әзімбаева (жауапты хатшы), Ә. Жапарова (хатшы). Басылым томдарын құрастырып, олардың түсініктерін жазғандар: П. Бисенбаев, Е. Кәрібозов, Л. Мұсалы, Н. Нұрәділ. Толығырақ »

2016 жылы 24-25 наурыз күндері  Әл-Фараби атындағы Қазақ ұлттық университетінің филология және әлем тілдері факультеті университет жанындағы Абай ғылыми-зерттеу институтының базасында орта мектептің «Абайтану», «қазақ тілі мен әдебиеті» пәндерінің мұғалімдеріне арналған «Абайтану» атты оқу-әдістемелік семинар өткізді. Абай ҒЗИ-дің директоры, профессор Ж.Дәдебаев  қазіргі абайтанудың өзекті мәселелері жөнінде кіріспе сөз сөйледі. Факультет деканы, профессор Ө.Әбдиманұлы  қазақ тілі мен әдебиетінің оқу және ғылыми пән ретіндегі маңызына тоқталды. Толығырақ »

          Әл-Фараби атындағы ҚазҰУ-дың тарих, археология және этнология факультеті, Қазақстан тарихы кафедрасының профессор-оқытушылары университеттің барлық факультеттерінде сабақ жүргізеді. Сол себепті бәсекеге қабілетті маман болып қалыптасу үшін әлемге әйгілі ҚазҰУ-тін таңдап келген студенттердің басы біздің факультетте жиналады. Әл-Фараби атындағы Қазақ ұлттық университетке тек  талапты, ақылды әрі тапқыр болашақ студенттер келеді. Сондықтан университеттің оқытушыларына бұндай білімге құмар жастармен жұмыс істеу әрдайым қызықты және тиімді. Толығырақ »

      Әл-Фараби атындағы Қазақ ұлттық университеті әлемге танымал жоғары оқу орны. Табыстарға толы 80-жылдық тарихы бар ҚазҰУ-да, атақты ғалым-педагогтар, тәлімгерлер еңбек етті. Соның ішінде, белгілі тарихшы, қазақтан шыққан тұңғыш ғылым докторы, профессор, С.М. Киров атындағы Қазақ мемлекеттік университетінде алғаш Қазақстан тарихы кафедрасын ашқан Ермұхан Бекмаханов та бар. 1947-1951 жж. Қазақ мемлекеттік университетінде (казіргі әл-Фараби атындағы Қазақ ұлттық университеті) профессор, кафедра меңгерушісі қызметтерін атқарған. Толығырақ »

       Өткен 2014 жылдың 11-25 желтоқсан күндері Корея Республикасындағы 56 шет тілінде сабақ жүргізілетін Ханкук университетінің Орталық Азияны зерттеу институтында ғылыми байланыстар бағытында арнаулы тақырыптарда танымдық басқосулар өткізу және кәсіби тәжірибе алмасу мақсатында шақырту алып, қазақ тіл білімі кафедрасының профессоры Дина Ақбергенқызы Әлкебаевамен бірге ғылыми тағылымдамадан өтіп қайттық. Толығырақ »

     2015 жылы 21 мамырда әл-Фараби атындағы ҚазҰУ-дың Абай институты базасында қазақ әдебиетінің тарихы мен теориясы кафедрасы және аударма теориясы және әдіснамасы кафедрасы бірлесіп «ТҮРКІ ХАЛЫҚТАРЫНЫҢ ОРТАҚ МӘДЕНИ ҚҰНДЫЛЫҚТАРЫ» деген тақырыпта дөңгелек үстел өткізді. Толығырақ »

     Орта мектепті бітіруші жастардың алдында таңдау көп болады. Орта мектеп түлектері ең алдымен, әрине, болашақта кім болатынын, қандай мамандық бойынша жоғары білім алатынын ойлайды. Соған орай әр жас үшін қайда, қандай жоғары оқу орнында және қандай мамандық бойынша оқитынын дұрыс таңдаудың өмірлік маңызы бар. Толығырақ »